AGENDRE MIGU PALMARUM

1. Fangowai ba Fogaoni

Fangowai	:
SA	:	Ya’ita fefu sowulo, ni’omasi’ö Keriso. Ma’ökhö andre, tafalua wasumangeta khö Lowalangi ba gosali andre, sifao banua niha keriso sato ba nahiara zamösana. Ma’ökhö andre Migu Palmarum, fanörö tödö me latema’ö Yesu, lafazawili mbulu nohi ba lala me möi Ia ba Yerusalema, fatua lö teforöfa Ia. Andrö u’wai ami fefu, Ya’ahowu zi so ba döi Zo’aya: “Hosiana”
Sato SA Sato	: : :	Hosiana! Ya faofao khömi Lowalangi, Ya fao khöu Geheha-Nia.
Fogaoni	:
SA	:	Da ta honogö dödöda wangondrasi Yehowa, da ta’erönusi tödöda wamakao si no itaögö So’aya ya’ita Yesus Keriso, manunö ita moroi ba Mbuku Zinunö numero 13:1-2,  Suno Zo’aya  Ya’ugö Tödö 1.       Suno Zo’aya ya’ugö tödö, böi ae atage dödögu. Suno döiNia ni’amoni’ö, böi olifu’ö nibè khöu. Si no Ibè buala khöu, böi aefa’aefa badödöu, Haleluya, Haleluya. 2.       Same’e aefa khöu horöu fefu, sangohahau’ö tödömö. Sanolo göi ba sahakhö tödö, ba sondrorogö ya’ugö. Me lö fanolo ba niha, angaröfi li Yehowa, Haleluya, Haleluya.

2. Fanga’aro’ö Wa’owulo (Votum)

SA	:	Da tahonogö dödöda ba wariawösa, ba ba wa ha sambua khö Lowalangi, (muzizio zato) No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yaẅa awö danö.
Sato	:	Yaduhu
SA	:	Hakhõsi tõdõ ndra’o, Ya’ugõ Yehowa, sata’u tõdõ sa ndra’odo! Aoko hõrõgu ba wa’abu dõdõ andrõ, ariri nosogu ba õsigu. Ba ya’odo, ba sanõtõna khõ-U, Ya’ugõ Yehowa; no umane: ”Lowalangigu Ndra’ugõ” Ba danga-U so lalagu andrõ. Efa’õ ndra’o ba danga zi fa’udu khõgu ba ba zolohi ya’odo! He Yehowa, bõi be’e aila ndra’o! Orifi ndra’o, ba wa’atulõ dõdõ-U andrõ! Hosiana.....
Sato	:	Manunö: Hosiana Hosiana, Hosiana, Hosiana.
SA	:	Mangandrö ita: He Yehowa Lowalangi, Ama sahakhö tödö ba sebua fa’omasi, si no umbu howuhowu ba fa’auri. Itörö tödöma wamakao Zo’aya ya’aga Yesu Keriso, No Ölulu nono-U omasiö ba danga zokhö horö: te’o’aya, tefakao, teforöfa ba mate börö horöma. Fahaö ndra’aga, fa’aboto ba dödöma ngawalö horö si no mafalua. Abölö’ö ndra’aga wolawa fa’abölö nösi, ena’ö mo’ahonoa ndra’aga  ba wamalua somasi Nama, ba khö Zo’aya ya’aga Yesu Keriso ba ba Geheha Ni’amoni’ö, Yaduhu.

(mudadao zato)

3. Manunö moroi ba Mbuku Zinunö numero 196:1, Möido Khöu, He Yesu

1. 1. Möido khöU, he Yesu, tema ndra’odo. Efa’ö horögu, orifi ndra’o.

Omasido Yesu, somasi ya’o. Ohahau dödögu na khöMö ndra’o.

1. 2. Möido khöU, he Yesu, afu Öhaogö. Si lö omasi’Ö da u’erogö.

Ululu ndra’odo, Ösasai do-Mö. Afugu ukhamö, wa’auri andrö.

4. Fombaso Taroma Li Lowalangi (AF)

SA	:	Da tafondrondrongo daroma Li Lowalangi, tehalö moroi ba zura 2Moze 20:1-17 Ba iw̃a’õ daroma li andrõ fefoe Jehowa, imane: Ja’odo Jehowa Lowalangioe, si no mangeheta ja’oegõ ba danõ Miseraji andrõ, ba zi no mõi sawoejoe ami. Bõi so chõmõ Lowalangi tánõ bõ’õ, baero ndra’o. Bõi fazõchi chõoe nadoe, ba he famaedo hadia ia, he si so si jaw̃a ba mbanoea, ba he si so si tooe ba goeli danõ, ba he si so ba nidanõ, barõ danõ. Bõi angaloeloe chõnia ba bõi fosoemange ia, me no Lowalangi solohoe ndra’o, ja’odo andre, Jehowa, Lowalangioe, sangoehoekoe horõ ndra ama ba ndraono ba ba ma’oewoe mitooe, chõra si fatioe tõdõ chõgoe, ba si hachõsi tõdõ sangomasi’õ ja’o ba solo’õ oroisagoe; iroegi hõnõ nga’õtõ. Bõi tõtõi dõi Lowalangioe Jehowa ba waja; lõ’õ sa zi lõ ihoekoe Jehowa zanõtõi tõinia ba waja. Ame’egõ tõdõ loeo wolombase andrõ, ba we’amoni’õ ja’ia. Õnõ ngaloeo mohalõw̃õ ndra’oegõ ba õhalõ halõw̃õoe fefoe. Ba ero fitoe bongi, ba loeo wolombase chõ Lowalangioe Jehowa; bõi babaja hadia ia halõw̃õ ba da’õ, he ja’oegõ, ba he onooe matoea, ba he onooe alawe, ba he sangai halõw̃õ chõoe ira matoea ba he sangai halõw̃õ chõoe ira alawe, ba he oerifõoe, ba he si fatewoe chõoe ba mbanoeami bacha. Õnõ ngaloeo sa mege chõ Jehowa, ba wamazõchi banoea si jaw̃a, awõ danõ, awõ nasi, awõ nõsira fefoe; ba ba loeo si fitoe, ba no molombase ia. Andrõ wa no ifahawoe’õ loeo si fitoe andrõ Jehowa, ba no i’amoni’õ. Fosoemange namaoe, awõ ninaoe, ena’õ anaoe nosooe ba danõ, nibe’e Lowalangioe Jehowa chõoe. Bõi ange’e. Bõi ohorõ. Bõi anagõ. Bõi bõbõgõ chõ nawõoe zi lõ doehoe. Bõi isõ nomo nawõoe. Bõi isõ wo’omo nawõoe ba he sangai halõw̃õ chõnia ira matoea, ba he sangai halõw̃õ chõnia ira alawe, ba he õrõbaonia, ba he koedonia, ba he hadia ia, fefoe, nibajabaja nawõoe.
Sato	:	Si manö daroma Li Lowalangi, da tatema’ö faoma sinunö moroi ba Mbuku Zinunö Numero 86:4, Tasunosuno Yehowa 4)   Tasunosuno Yehowa, sangomusoi’ö tödö. Tafaduhu’ö duria, wa no so Zangatulö. Yesu sahakhö tödö, sangefa’ö ba horö

5. Fangandrö Fangefa Horö

SA	:	Ya’ami ira talifusö, Na tawa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lõ faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, (muzizio zato). Mangandrö ita: He Ama, Lowalangima sebua fa’omasi. Masuno ba ma’angaröfili Ndra’ugö Yehowa. Möiga ma’ondrasi Ndra’ugö ba nahia ni’amoni’ö, ya’aga niha si no ra’iö. Mafaduhu’ö wa tenga si nangea ndra’aga tanö föna-Mö, me no fahöna horö si no mafalua, he ba wehedema, era’era dödöma, awö gamuatama si lö faudu ba daroma Li-Mö. No ambö ndra’aga ba wangomasi’ö Ya’ugö soroi dödö. Asese olifu ndra’aga wangandrö saohagölö ba howuhowu-Mö si no matema, ba no arörö ndra’aga ba gisö’isö dödö ba guli danö andre. Si tekiko ndra’aga ba horöma.  Andrö ha fa’ahakhö dödö Nama ni’andröma. Bologö dõdõ-U khöma ba be’e aefa khöma horöma. Yaduhu.
Sato	:	Manunö: BZ. No 215 Ayati 5 : Ba lõ tebulõ ba te’ala 5)     Ba lö tebulö wa te’ala, do zi sa ngerogö Ama. Si lö manehe nibohouni, tödö awö gera’era. He So’aya, heta khöma, dödö si fabu’abu’a.
SA	:	Turia Wangefa horö: “Si manõ sa wa’omasi Lowalangi nõsi gulidanõ, no Ibe’e Nono-Nia andrõ, si ha sambua, ena’õ lõ tekiko dozi samati khõ-Nia, ena’õ so khõra wa’auri si lõ aetu. Lakhömi khö lowalangi si yaẅa.....
Sato	:	Manunö: 450.  Ba Fa’atulö Ba Gulidanö Ba fa’atulö ba gulidanö ba niha ni’omasi’ö andrõ.

(mudadao zato)

6.       Fombaso Taroma Li Lowalangi (AB) SA : Da tafondrondrongo daroma Li Lowalangi, tehalö moroi ba zura 2Fetero 1:16-18 16) Tenga sa fajafaja, nifachai dõdõ, dali chõma mege, me ma’ombacha’õ chõmi wa’abõlõ Zo’aja ja’ita, Jesoe Keriso, ba fa’ato’elenia; noa sa si no anehenehe fa’asalaw̃ania ndra’aga; 17) noa sa itema chõ Lowalangi Ama zoemange ba lachõmi, me tetandrõsaigõ chõnia li andrõ, moroi ba lachõmi andrõ, si no eboea sibai, me imane: "Onogoe omasiõ da’õ, wa’omasigoe ia." 18) Ba li andrõ, ba no marongo, moroi ba mbanoea si jaw̃a, me soga chõnia, ba hili ni’amoni’õ andrõ,     Si so tõgi dalinga, ba wamondrongo, ba ya mufondrondrongo. SA+ Sato : Yaduhu 7.       Fasömbata SA : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si föföna ua da tafondrondrongo Li Lowalangi me imane:  Same’e sumange fangandrõ saohagõlõ, da’õ zamolakhõmi Ya’odo, ba ba zi lõ sinegu ba mbuabuania U’oroma’õ wangorifi andrõ khõ Lowalangi. SA : Tafa’ema wasömbata khö Lowalangi, manunö ita moroi ba Mbuku Zinunö numero 286 “Da tafasao wasömbatada andre föna Lowalangi, ........muzizio ita fefu............Manunõ ita moroi ba Mbuku Zinunõ numero 261, Ya’e Zumange 1)    Ya’e zumange fasömbata, ma’ohe sumange Yehowa. Ma’andrö khöU fahowu’ö zumange ni’ohema khö-Mö 6)     Ya’e zumange fasömbata, ma’aohasi gölö Zo’aya. Ma’andrö khöU fahowu’ö zumange ni’ohema khö-Mö Fangandrõ :   8.       Manunö SA : Da tafa’anö dödöda wamondrondrongo taroma Li Lowalangi, manunö  ita moroi ba Mbuku Zinunö numero 162:1-2, To’ele  Khöda  Wangorifi 1.       To’ele khöda wangorifi, buala Lowalangida, Fangefa horö ba fa’auri moroi ba röfa Zo’aya. Ya dozi ita oi tatema, ena’ö möi fangorifida. 2.       Sihulu tödö wangondrasi, fogaoni Zahakhö tödö. Ogorofi ngawalö horö, falua wangesa dödö. Angalulu sifao fangandrö, Ibe’e Yesu wangefa’ö. 9.       Huhuo Sebua SH : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita......Yaduhu.     a.       Fombaso taroma Li Lowalangi: Yohane 12:12-19 12) Sara wongi aefa da’õ, me larongo, niha sato, si no mõi ba gowasa, no mõi ba Jeroezalema Jesoe, 13) ba lahalõ mboeloe nohi, mõi ira mamaondragõ ja’ia, moe’ao ira: Hosana, ja’ahowoe zi so andrõ, ba dõi Zo’aja, razo Ndraono Gizeraëli andrõ! 14) Ba me isõndra nono galide Jesoe, ba i’okoedo, itõrõ zi so ba zoera andrõ: 15) "Bõi ata’oefi, ono Ziona alawe, hiza, so razomõ, i’okoedo nono galide". 16) Lõ’õ sa i’anema’õ aboto ba dõdõ ndra nifahaõ da’õ ba me no tefolachõmi Jesoe, awena itõrõ tõdõra, wa ba chõnia tesoera da’õ, awõ wa no lamanõ chõnia. 17) Ba lafadoehoe’õ niha sato, si fao chõnia, wa no hoemede ia chõ Lazaro andrõ ba lewatõ, wa no isoesoegi ba ngai zi mate. 18) Andrõ gõi la’ondrasi ia niha sato, me no larongo, no ifazõchi dandra andrõ. 19) Ba faoma lamane farizaio chõ nawõra: Mi’ila, lõ’õ manõ fachai wolaoemi. Hiza, ahori manõ la’o’õ niha ba goeli danõ. b.       Fanuriaigõ c.        Nitanö ba dödö: Sinunö (Mazmur) 118:26 Ja ahowoe zi so andrõ ba dõi Jehowa! Mafahowoe’õ ami, moroi ba nomo Jehowa. Diberkatilah dia yang datang dalam nama TUHAN! Kami memberkati kamu dari dalam rumah TUHAN. d.       Fangandrö Fanga’aro’õ huhuo Sato : Manunö : BZ. Numero 156:1, He So’aya, Böi Bulö’ö 1.      He So’aya, böi bulö’ö, khögu daroma liMö. Ufonaha ba dödögu, me no haregu da’ö. Ba da’ö sa manandrösa, wanötöna dödögu. Lö moguna danö bö’ö, liMö wangorifigu. 10.   Tuho Wamati SA : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso fõna Lowalangi, muzizio ita fefu........ endronga lida: SA + Sato : Ya’o mamati khö Lowalangi Ama si lö ambö fa’abölö, somböi banua si yaẅa awö danö. Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate. Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri si lö aetu. Yaduhu.  (mudadao  zato) 11.   Manunö: SA : Manunö ita moroi ba Mbuku Zinunö numero 281:1-2, Tabu  Ta’o’ö  Zo’aya 1.      Tabu ta’o’ö Zo’aya, sangorifi ya’ita. Ba da ta’o’ö liNia, fangohahau dödöda. Ya amaedola röfada, wanöngönida Ya’ia. 2.      No aboto ba dödöda, wa no Ya’ia lala. Ba fefu zi fao khö-Nia, da’ö zi lö te’ala. Sindruhu Ifasao ita ba naha so’ahonoa. 12.   Fangandrö Salahi + Famatenge + Howuhowu SH : Muzizio ita fefu, mangandrö ita: SH + Sato : He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awö lakhömi, irugi zi lö aetu. Yaduhu. SH : Famatenge + Howuhowu: Mi’angawuli si fao fa’ohahau dödö, ya tobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi: Ya mufahowu’ö ami Lowalangi, Ya murorogö ami Ya mufohaga mbawa-Nia khömi, Ya mu’ebua’ö dödö-Nia khömi Ya mufalemba hörö-Nia khömi, Ya mube’e wa’ohahau dödö khömi fefu. Yaduhu. Sato : Manunö: BZ. Numero 269:1 Keriso  Yesu Fondrege Zisökhi 1)     Keriso Yesu, fondrege zi sökhi, ba fondrege zalaẅa. Ya khöU dödögu, ba fa’aurigu, irugi ba gamozua. SH : Ya’ahowu Sato : Ya’ahowu

file PDF Agendre Migu Palmarum